Huk qhapaq runan ancha chaniyoq p'achallawan p'achakuq karqan, sapa p'unchaytaq sumaq mikhunawan q'ochukuspa mana Diosmanta yuyarikuqpaschu. Kallarqantaqmi Lázaro sutiyoq wakcha runa, aycha cuerponpi onqoyniyoq. Paymi qhapaqpa wasin punkupi wikch'usqa kashaq. Qhapaqpa mesanmanta ususqankunawan saksaykuyta munaspa. Chay hina kashaspanmi wakchaqa wañukapurqan, hinan Abrahampa kasqanman chayarqan. Hinallataq qhapaqpas wañukapurqan, hinan p'ampapurqanku.
Ukhu-pachapitaq qhapaqqa manchay ñak'ariypi kashaspa, karumanta qhawarispa Abrahamtawan Lazarotawan rikurqan. Hinaspan waqyakurqan: –Taytáy Abraham, khuyapayawaspayki Lazarota kachamuway, dedo puntallanpipas unuta apamuwaspa qalluyta thasnuykunanpaq, kay rawraypin ñak'arishani, nispa.
Abrahamtaq nirqan: –Churíy, yuyariy allinkunallapi kawsasqaykita, Lazarotaq mana allinkunapi, kunanqa paymi kaypi sonqochasqa kashan, qantaq manchayta ñak'arishanki. Ñoqaykutawan qankunatawanqa huk sinchi hatun ukhu wayq'on t'aqashawanchis, kaymanta qankunaman chimpayqa mana atinkuchu, manallataq chaymanta kayman chimpamuytapas atinkuchu, nispa.
Hinan nirqan: –Chhaynaqa, valekuykin Lazarota taytaypa wasinman kachanaykipaq. Phisqa wawqeyoqmi kani, paykunaman willamuchun, ama paykunapas kay manchay ñak'ariy pachaman hamunankupaq, nispa. Abrahamtaq nirqan: –Moisespa qelqankunata profetakunata ima kasukuchunku, nispa.
Qhapataq nirqan: –Taytáy Abraham, pipas wañusqamanta kawsarispa paykunaman riqtinmi ichaqa, Diosman kutirikunqaku, nispa. Abrahamtaq payta nirqan: –Manachus Moisespa, profetakunaq qelqasqankunatapas kasunqaku chayqa, kawsarimuspa riqtipas manan kasukunqakuchu, nispa.
Ukhu-pachapitaq qhapaqqa manchay ñak'ariypi kashaspa, karumanta qhawarispa Abrahamtawan Lazarotawan rikurqan. Hinaspan waqyakurqan: –Taytáy Abraham, khuyapayawaspayki Lazarota kachamuway, dedo puntallanpipas unuta apamuwaspa qalluyta thasnuykunanpaq, kay rawraypin ñak'arishani, nispa.
Abrahamtaq nirqan: –Churíy, yuyariy allinkunallapi kawsasqaykita, Lazarotaq mana allinkunapi, kunanqa paymi kaypi sonqochasqa kashan, qantaq manchayta ñak'arishanki. Ñoqaykutawan qankunatawanqa huk sinchi hatun ukhu wayq'on t'aqashawanchis, kaymanta qankunaman chimpayqa mana atinkuchu, manallataq chaymanta kayman chimpamuytapas atinkuchu, nispa.
Hinan nirqan: –Chhaynaqa, valekuykin Lazarota taytaypa wasinman kachanaykipaq. Phisqa wawqeyoqmi kani, paykunaman willamuchun, ama paykunapas kay manchay ñak'ariy pachaman hamunankupaq, nispa. Abrahamtaq nirqan: –Moisespa qelqankunata profetakunata ima kasukuchunku, nispa.
Qhapataq nirqan: –Taytáy Abraham, pipas wañusqamanta kawsarispa paykunaman riqtinmi ichaqa, Diosman kutirikunqaku, nispa. Abrahamtaq payta nirqan: –Manachus Moisespa, profetakunaq qelqasqankunatapas kasunqaku chayqa, kawsarimuspa riqtipas manan kasukunqakuchu, nispa.
No hay comentarios:
Publicar un comentario